მატყუარა შეიძლება ფეხებით ამოიცნოთ

ითვლება, რომ პირველი, რაც ადამიანს ტყუილში ავლენს, მისი მზერაა: ის თვალებს გვერდზე აბრუნებს, ცდილობს თანამოსაუბრეს მზერა არ გაუსწოროს.

ტყუილის თქმის დროს ადამიანი ასევე ეხება ყურის ბიბილოს, ცხვირს, ატრიალებს თმას ან ტანსაცმელს და საერთოდ მოუსვენრად იქცევა.

სიმართლის საძიებლად, არ შეხედოთ ადამიანს სახეზე, არამედ დააკვირდით მის ფეხებს. ამერიკელი პროფილის ექსპერტი და FBI-ს ყოფილი აგენტი ჯო ნავარო აღნიშნავს, რომ როდესაც ადამიანი იტყუება, მისი ფეხები უფრო აქტიურად იწყებს მოძრაობას. მაშინ, როცა კარგი მატყუარა აკონტროლებს სახის გამომეტყველებას და ძალიან ყურადღებიანი ხელებს უყურებს, ყველას, როგორც წესი, ავიწყდება მისი ფეხები. ეს ქვეცნობიერად იგრძნობა, ამიტომ ბევრი ადამიანი, ვინც მიდრეკილია ტყუილისა და თვალთმაქცობისკენ, თავს უფრო კომფორტულად გრძნობს დახურულ მაგიდასთან ჯდომისას.

და ეს არ არის ერთჯერადი დაკვირვება. ნავაროს მოსაზრება მოგვიანებით დაადასტურა ფსიქოლოგმა პოლ ეკმანმა, ტყუილის ექსპერტმა და კონსულტანტმა საკულტო სერიალში Lie to Me.

მან ჩაატარა ექსპერიმენტები და დარწმუნდა, რომ ადამიანები, რომლებიც იტყუებიან, ქვეცნობიერად ატრიალებენ ფეხებს, ტერფებს, ან აკეთებენ სხვა მსგავს უნებლიე მოძრაობებს.

თუ თქვენი თანამოსაუბრის ფეხები მოულოდნელად იწყებს უფრო აქტიურად მოძრაობას, ფრთხილად იყავით, მან შეიძლება მოგატყუოთ. ეს ნიშანი შეიძლება გავითვალისწინოთ მნიშვნელოვანი მოლაპარაკებების ან გასაუბრების დროს.ასეთ სიტუაციებში დაჯექით ისე, რომ თქვენი კოლეგის ფეხები დაინახოთ. ისე, ყოველი შემთხვევისთვის, თვალი ადევნეთ საკუთარ ფეხებს.

წყარო: მკურნალი.გე