„ჰამასის“ ტერორისტებს არ უნდა ჰქონდეთ იმის იმედი, რომ „ცაჰალი“ მალე დატოვებს ღაზის სექტორს - ისრაელის თავდაცვის მინისტრი
ისრაელის თავდაცვის მინისტრმა, იოავ გალანტმა განაცხადა, რომ „ჰამასის“ ტერორისტებს არ უნდა ჰქონდეთ იმის იმედი, რომ „ცაჰალი“ მალე დატოვებს ღაზის სექტორს.
"ღაზის სექტორის ჩრდილოეთით [ისრაელის] ძალები ასრულებენ მიმდინარე მისიას. ისინი ახდენენ [ძალების] რეორგანიზებას, რათა მალე განახორციელონ რეიდები და საჰაერო დარტყმები", - აღნიშნა ისრაელის თავდაცვის უწყების ხელმძღვანელმა.
იოავ გალანტის თქმით, ღაზის სექტორის ცენტრალურ ნაწილში ინტენსიური ბრძოლები მიმდინარეობს.
"ჩვენი ძალები ანადგურებენ "ჰამასის" ცენტრალურ ინფრასტრუქტურას, მათ შორის იმ ადგილებს, სადაც "ჰამასი" აწარმოებდა რაკეტებს", - დასძინა მან.
