საპატრიარქო სამწუხარო ინფორმაციას ავრცელებს
საპატრიარქოს უწყებანი მონაზვნის გარდაცვალებასთან დაკავშირებით, სამწუხარო ინფორმაციას ავრცელებს.
„2024 წლის 3 იანვარს გარდაიცვალა ახალციხის მუნიციპალიტეტის ქალაქ ვალის მაცხოვრის სახელობის დედათა მონასტრის მონაზონი მარინე (მელიქიძე).
მონაზონი მარინე დასვენებულია ვალის დედათა მონასტერში. ხუთშაბათს, 4 იანვარს იგი გადასვენდება ახალციხის წმინდა ქალწულმოწამე მარინეს სახელობის საკათედრო ტაძარში, ხოლო პარასკევს, 5 იანვარს, 13:00 საათზე დაიკრძალება ამავე ტაძრის ეზოში.
მწუხარებას გამოვთქვამთ მონაზონ მარინეს გარდაცვალების გამო და თანაგრძნობას ვუცხადებთ ახალციხისა და ტაო-კლარჯეთის ეპარქიას, განსვენებულის ოჯახსა და ახლობლებს.
უფალმა სავანესა მართალთასა დააწესოს მისი უკვდავი სული. გთხოვთ, ლოცვებში მოიხსენიოთ ახლად შესვენებული მონაზონი მარინე,“ – ნათქვამია გავრცელებულ ინფორმაციაში.
