ნივთები, რომლებიც ფენ შუის „შავ სიაშია“

წყალი „სიყვარულის კუთხეში“

თქვენი ბინის შორეული მარჯვენა კუთხე (თუკი შემოსასვლელ კართან ვდგავართ) „სიყვარულის კუთხედ“ მიიჩნევა. ამ ზონაში არ უნდა დაიდგას ისეთი ნივთები, რომლებსაც წყალთან აქვთ შეხება - აკვარიუმი, სარეცხი მანქანა, ყვავილებიანი ლარნაკი.

ამ სექტორში არ გირჩევთ დიდი სარკის დადგმას. ეს პარტნიორთან ურთიერთობის შენარჩუნებაში ხელს შეგიშლით.

თუკი ამ ზონაში სააბაზანოა, მისი კარი მჭიდროდ მიხურეთ.

მძიმე ნივთები

საწოლთან მძიმე ნივთების განთავსებას არ გირჩევთ, ასევე, მის გაფორმებას ადამიანების გამოსახულებებით. ინტერიერის გასაფორმებლად წყნარი პასტელის ტონები (თეთრის გარდა) იხმარეთ, მაგრამ არაუმეტეს ორი ტონალობისა.

ასევე, არ შეიძლება საძინებელში სარკის მოთავსება - ჯობს, ის ან კარადის კარზე ანდა სხვა ოთახში იყოს.

უპირატესობა მაღალთავიან საწოლებს მიანიჭეთ - ეს სრულყოფილი ძილის სტიმულაციას დაეხმარება და პატრონებს უბედურებისგან დაიცავს.

მახვილი ნივთები და კუთხეები

ცივი იარაღი (მაგალითად, სუვენირი ხმლები), რქები და შანდლებიც კი ფენ შუის „შავ სიაშია“ მოხვედრილი. ისინი სახლში ენერგეტიკულ ჰარმონიას არღვევს.

დიდი რაოდენობით მახვილი კუთხეებიც, ასევე, აგრესიას გამოასხივებს და ოჯახში რეგულარული ჩხუბის, ემოციური გამოფიტვისა და პატრონთა დაავადებების პროვოცირებას ახდენს.

მახვილი კუთხე, რომელიც საწოლისკენ არის მიმართული, საფრთხის ქვეშ აყენებს პირად ცხოვრებას და კარიერულ ზრდას. გირჩევთ, ეს ხარვეზები სპეციალური სადებებით „აღმოფხვრათ“.

გატეხილი ან დაზიანებული ნივთები

სახლის აურა და ენერგეტიკული ველი გაუმჯობესდება, თუკი სახლიდან ყველა გატეხილ და დაზიანებულ ნივთს მოაშორებთ. თუ ისინი თქვენთვის ძალიან ძვირფასია, შეეცადეთ, აღადგინოთ და პირვანდელი სახე დაუბრუნოთ.

სანამ დაზიანებულ სამახსოვრო ნივთს გადავაგდებთ, ფენ შუის რჩევით, ამ ნივთებისთვის მადლობის გადახდაა საჭირო იმ სიხარულისთვის, რაც თავის დროზე მოგვანიჭეს. ამით სახლში ახალი ემოციისთვის ადგილს გაათავისუფლებთ.

წინააღმდეგობები ენერგიის გავრცელებისთვის

ფენ შუის რჩევებით, სახლში დადებითი აურისა და ჰარმონიის გავრცელებისთვის ხელშემშლელია:

გრძელი დერეფანი, რომლის ბოლოშიც საძინებელია მოთავსებული.

შემოსასვლელი ძირითადი კარისა და უკანა გასასვლელის ერთ ხაზზე ყოფნა.

კართან ახლოს კიბე.

საძინებლის სახურავზე კოჭების არსებობა.

თუკი ამათგან რომელიმე არის თქვენს სახლში, გირჩევთ, მათი უარყოფითი გავლენა ოთახის მცენარეებითა და ხალიჩებით შეამციროთ.