იაპონიაში მიწისძვრის შედეგად დაღუპულთა რიცხვი 100-ს მიუახლოვდა
იაპონიაში პირველ იანვარს მომხდარი ძლიერი მიწისძვრის შედეგად დაღუპულთა რიცხვი 100-ს მიუახლოვდა. დაკარგულთა რიცხვი 211-მდე შემცირდა, ხოლო ევაკუაციის ცენტრებში 34,000 ადამიანი რჩება.
როგორც Reuters წერს, აშშ ამზადებს სამხედრო ლოგისტიკურ დახმარებას იაპონიის რეგიონებისთვის, რომლებიც მიწისძვრის შედეგად განადგურდა.
"აშშ არის აქ, რათა მხარი დაუჭიროს ჩვენს მეგობარს და მოკავშირეს მიწისძვრის საპასუხოდ. მზადდება სამხედრო ლოგისტიკური დახმარება, საკვები და სხვა მარაგი", - დაწერა აშშ-ის ელჩმა იაპონიაში, რაჰმ ემანუელმა X-ზე.
ცნობისთვის, 7,6 მაგნიტუდის სიმძლავრის მიწისძვრა ნოტოს ნახევარკუნძულზე ორშაბათს შუადღისას მოხდა. მან გაანადგურა სახლები, დააზიანა ინფრასტრუქტურა, მოწყვიტა ტერიტორიის ნაწილი საჭირო დახმარებას.
