ოჩამჩირეში მომხდარ ხანძარს ქალი ემსხვერპლა
ოკუპირებულ აფხაზეთის ოჩამჩირის რაიონში მომხდარ ხანძარს 60 წლის ქალის სიცოცხლე ემსხვერპლა.
ინფორმაციას აფხაზეთის დე ფაქტო რესპუბლიკის საგანგებო სიტუაციების სამინისტრო ავრცელებს.
მათივე ცნობით, ცეცხლი სოფელ ჭლოუში მდებარე სახლს გაუჩნდა. უწყებაში შეტყობინება დილის საათებში შევიდა.
მეხანძრე - მაშველების მისვლამდე ორსართულიანი სახლი მთლიანად დაიწვა.
უბედური შემთხვევის მიზეზი ჯერჯერობით დადგენილი არ არის.
