ისრაელის თავდასხმებს ერთ დღეში 73 პალესტინელი ემსხვერპლა - ღაზის ჯანდაცვის სამინისტრო

ღაზის სექტორის „ჰამასის“ მიერ მართული ჯანდაცვის სამინისტროს განცხადებით, ისრაელის ძალების სახმელეთო ოპერაციისა და საჰაერო თავდასხმების შედეგად ღაზაში, ბოლო ერთი დღის განმავლობაში, 73 პალესტინელი დაიღუპა და 99 დაშავდა.

უწყების ცნობით, ეს რიცხვი მოიცავს რვა ადამიანს, რომელიც ღაზას ცენტრალურ ნაწილში, დეირ ალ-ბალახთან მომხდარი თავდასხმის შედეგად დაიღუპა.

ცნობისათვის, „ჰამასი“ აცხადებს, რომ ომის დაწყების შემდეგ 22 835 პალესტინელი დაიღუპა. ისრაელის შეფასებით, ოქტომბრის ბოლოს ღაზაზე სახმელეთო შეტევის დაწყების შემდეგ, დაახლოებით, 8 500 ტერორისტის ლიკვიდაცია განხორციელდა.