გერმანიაში ფერმერების აქცია დაიწყო
გერმანიაში ფერმერების აქცია დაიწყო. ერთკვირიანი პროტესტის ფარგლებში მათ დილიდან საავტომობილო გზების გადაკეტვა დაიწყეს.
გერმანელი ფერმერები ეწინააღმდეგებიან მთავრობის გეგმას, რომელიც სასოფლო-სამეურნეო სექტორში სუბსიდიების ეტაპობრივად შემცირებას და საგადასახადო შეღავათების გაუქმებას ითვალისწინებს.
პროტესტის ნიშნად, გერმანიის მასშტაბით რამდენიმე ადგილას, ფერმერებმა გზები ტრაქტორებისა და სატვირთო ავტომობილების კოლონებით ჩაკეტეს.
