დღეიდან საქართველოში ამინდი მკვეთრად გაუარესდება
დღეიდან საქართველოს მასშტაბით, ამინდი გაუარესდება. სინოპტიკოსების პროგნოზით, მოსალოდნელია ნალექი, მთაში და მაღალმთაში თოვლი, ზოგან ძლიერი, გზებზე ლიპყინული და ზვავსაშიშროება.
ზღვაზე შესაძლებელია 3-4 ბალიანი შტორმული ღელვა. მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
დედაქალაქში, ტემპერატურა 8 გრადუსამდე დაიწევს, ხოლო წვიმიანი ამინდი 10 იანვრიდან არის პროგნოზირებული.
