თეთრი სახლის ჭიშკარს ავტომობილი შეეჯახა, მძღოლი დაკავებულია
CNN-ის ცნობით, ვაშინგტონში, თეთრი სახლის ჭიშკარს ავტომობილი შეეჯახა. შემთხვევის შედეგად არავინ დაშავებულა. მანქანის მძღოლი დაკავებულია. აშშ-ის საიდუმლო სამსახურის სპიკერის, ენტონი გულიელმის თქმით, მომხდარზე გამოძიება მიმდინარეობს.
"მანქანა თეთრი სახლის კომპლექსის გარე ჭიშკარს საღამოს ექვს საათამდე შეეჯახა. მძღოლი დაკავებულია. ჩვენ ვიძიებთ შეჯახების მიზეზს", - თქვა საიდუმლო სამსახურის წარმომადგენელმა.
