პალესტინის მხარდამჭერებმა ჯო ბაიდენს ეკლესიაში სიტყვით გამოსვლა შეაწყვეტინეს
ისრაელის მთავრობასთან ვმუშაობ, რომ ღაზიდან მნიშვნელოვნად გავიდნენ, - ამის შესახებ ამერიკის შეერთებული შტატების პრეზიდენტმა, ჯო ბაიდენმა, ჩარლსტონის ეკლესიაში მას შემდეგ განაცხადა, რაც იქ მყოფმა პალესტინის მხარდამჭერებმა, მას სიტყვით გამოსვლა შეაწყვეტინეს და ღაზის სექტორში ცეცხლის დაუყოვნებლივ შეწყვეტა მოსთხოვეს.
თეთრი სახლის ლიდერი იმ ეკლესიაში იმყოფებოდა, სადაც 2015 წლის 17 ივლისს, დილან რუფიმ ცხრა ადამიანი მოკლა.
„თუ თქვენ ნამდვილად ზრუნავთ აქ დაკარგულ სიცოცხლეზე, მაშინ პატივი უნდა სცეთ გარდაცვლილებს და მოუწოდოთ ცეცხლის შეწყვეტისკენ ღაზის სექტორში“, – უთხრა ბაიდენს პალესტინის ერთ-ერთმა მხარდამჭერმა.
