"ძალიან წყნარი ბავშვი იყო... მამა არ ჰყავდა, დედა ზრდიდა... სტუმრად იყო დეიდასთან, როცა ეს ტრაგედია მოხდა" - ტრაგიკულად დაღუპულ ბიჭს სკოლა ემშვიდობება

ბოლნისში მომხდარი ავტოსაგზაო შემთხვევის დროს დაღუპულ ერთ-ერთ არასრულწლოვანს სკოლა ემშვიდობება.

„სსიპ -ქ.მარნეულის #1 საჯარო სკოლა ღრმა მწუხარებას გამოთქვამს,ჩვენი სკოლის მერვე კლასის მოსწავლის ნაილ აბდულაევის, ბოლნისში ავტოსაგზაო შემთხვევის შედეგად გარდაცვალების გამო და ვუსამძიმრებთ მის ოჯახს,მეგობრებსა და ახლობლებს,“ - ნათქვამია სამძიმრის წერილში.

მეორე, ტრაგიკულად დაღუპული მოზარდი ადგილობრივი სკოლის მერვე კლასის მოსწავლე იყო. ხოლო ნაილ აბდულაევი იქ სტუმრად, დეიდასთან იმყოფებოდა.

„ნაილი ძალიან წყნარი ბავშვი იყო... უკარგესი... მამა არ ჰყავდა, დედა ზრდი­და“, – ამბობენ ადგილობრივები მედიასთან საუბრისას.

ცნობისთვის, შემთხვევა გუშინ მოხდა. სოფელ ბალახაურში გზის პირას, არასრულწლოვან ბიჭებს დიდი სიჩქარით მიმავალი მსუბუქი ავტომობილი დაეჯახა. მძღოლი სამართალდამცველებმა შემთხვევის ადგილზე დააკავეს.