"სულ აბულინგებენ, პატრიარქს არ უნდა შეხვედროდაო, ბავშვია მაინც, მისმა მენტალიტეტმა რომ ვერ გადაიტანოს, მეშინია...“ - ბადრი კვარაცხელია შვილის ბულინგზე
ხვიჩა კვარაცხელიას მიმართ პერიოდულად განხორციელებულ კიბერ ბულინგს ქართველი ტალანტის მამა, ბადრი კვარაცხელია ეხმაურება.
„ხვიჩა დღეს რომ ფეხბურთს თამაშობს, არის ხვიჩას დამსახურება. ჩემი პატარა წვლილი მიმიძღვის, სწორ გზაზე ვაყენებ. თვითონ მას უნდოდა ფეხბურთი... დღეს ჩემს ოჯახზე და ხვიჩაზე ერთი ამბავია, გვაგინებენ... სულ აბულინგებენ, პატრიარქს არ უნდა შეხვედროდაო... პოლიტიკური პარტიის წევრი უნდა იყოო. ხვიჩას ეს საერთოდ არ აინტერესებს. ბავშვია მაინც, მისმა მენტალიტეტმა რომ ვერ გადაიტანოს? მეშინია“, - ამბობს ბადრი კვარაცხელია გადაცემაში „საქართველოს დაბადება რეგიონებიდან“.
