გერმანიაში სამგზავრო მატარებლების მემანქანეები გაიფიცნენ
გერმანიაში სატვირთო მატარებლების მემანქანეების გაფიცვას სამგზავრო მატარებლების მემანქანეებიც შეუერთდნენ. ამის შესახებ Deutsche Welle წერს.
სარკინიგზო კონცერნის Deutsche Bahn-ის განცხადებით, გაფიცვა 3 დღეს გაგრძელდება, რის გამოც გადაადგილება 80%-ით შეიზღუდება.
პროფკავშირები კვლავინდებურად მემანქანეების თვიური ხელფასის 555 ევროთი გაზრდას და მათთვის ინფლაციის გამო, 3000 ევროს ოდენობის ერთჯერადი კომპენსაციის გადახდას მოითხოვენ. გარდა ამისა, ისინი სამუშაო დროის შემცირების მოწოდებით გამოდიან.
