გორში გარდაცვლილი სამხედრო ირაკლი აფრიამაშვილია - ახალი დეტალები (ვიდეო)
გორში გარდაცვლილი სამხედრო ირაკლი აფრიამაშვილია.
არსებული ინფორმაციით, ცხედარი კოლეგებმა სოფელ ახალშენში, გუშინ საღამოს, ნაძვნარში რამდენიმესაათიანი ძებნის შემდეგ იპოვეს. ირაკლი აფრიამაშვილი ბოლო ორი წლის განმავლობაში ცხოვრობდა გორის მუნიციპალიტეტში, ვინაიდან პირველ ქვეით ბრიგადაში მსახურობდა, რომელიც ამ მუნიციპალიტეტში მდებარეობს. ახალგაზრდა კაცი წარმოშობით ახალციხიდან იყო.
პირველადი ინფორმაციით, მან სიცოცხლე თვითმკვლელობით დაასრულა, თუმცა რა გახდა მიზეზი, გამოძიებამ უნდა დაადგინოს.
ცოტა ხნის წინ განცხადება გაავრცელა თავდაცვის სამინისტრომ, რომელიც ამბობს, რომ შემთხვევის დღეს სამხედრო დათხოვნაში იყო. მომხდარზე გამოძიება სისხლის სამართლის კოდექსის 115-ე მუხლით რაც თვითმკვლელობამდე მიყვანას გულისხმობს.
ცხედარი ექსპერტიზის ბიუროში გადაასვენეს.
