თბილისის საერთაშორისო აეროპორტიდან ავიამიმოსვლა განახლდა
თბილისის საერთაშორისო აეროპორტიდან ავიამიმოსვლა განახლდა. ავიაკომპანიები რეისებს გეგმის მიხედვით შეასრულებენ.
ფრენასთან დაკავშირებით პრობლემა უამინდობამ შექმნა, რის გამოც რამდენიმე რეისი გაუქმებული იყო, მათ შორის სტამბოლის, მიუნხენის, რიგის, დუბაისა და ბაქოს მიმართულებით. გარდა ამისა, გაუქმდა სტამბოლიდან თბილისისკენ მომავალი რეისებიც.
