რუსებმა ჩუგუევს დაარტყეს, არის მსხვერპლი
რუსულმა ძალებმა ხარკოვის ოლქის ქალაქ ჩუგუევს დაარტყეს, რის შედეგადაც ერთი ქალი დაიღუპა, - ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.
ამ დროისთვის არსებული ინფორმაციით, საოკუპაციო ძალებმა ჩუგოევს ორჯერ დაარტყეს. თავდასხმის შედეგად სასწავლო დაწესებულება დაზიანდა.
სასწრაფო დახმარების ექიმებმა შემთხვევის ადგილზე დახმარება კიდევ ერთ დაშავებულ მშვიდობიან მოქალაქეს გაუწიეს.
