74-ე ბერლინალეს სექცია „პანორამა” გაიხსნება ლევან აკინის ფილმით
2024 წლის ბერლინალეს ტრადიციული სექცია „პანორამა” გაიხსნება ქართული წარმოშობის შვედი რეჟისორი ლევან აკინის ფილმით – “Crossing”.
ლია ყოფილი მასწავლებელია, რომელიც დიდი ხნის დაკარგულ დისშვილს ეძებს. იგი ბათუმიდან სტამბულში მიემგზავრება, სადაც შეხვდება ევრიმს, ადვოკატს, რომელიც ტრანსი ადამიანების უფლებებისთვის იბრძვის. თეკლა კი, დეიდასთან საერთო ენას პოულობს – ასეთია ფილმის აღწერა, რომელშიც მთავარ როლს მზია არაბული ასრულებს.
„თავის მეოთხე მხატვრულ ფილმში ლევან აკინი ადგილების წარმოჩენით ქმნის სივრცეს, რომელიც ქვიარ ადამიანებს სთავაზობს კომფორტსა და სოლიდარობას; იგი შლის საზღვრებს წარმოსახვასა და რეალობას შორის “, – წერია ფილმის დახასიათებაში.
ლევან აკინს ქართველი მაყურებელი იცნობს ფილმით „და ჩვენ ვიცეკვეთ”.
