ქედაში კაცი დაჭრეს
“აჭარა თაიმსის" ინფორმაციით ქედის მუნიციპალიტეტში, სოფელ კოკოტაურში კაცი დაჭრეს. როგორც რეგიონული გამოცემა წერს, შემთხვევას წინ დაპირისპირება უძღოდა.
დაჭრილი სასწრაფო სამედიცინო დახმარების ჯგუფმა კლინიკაში გადაიყვანა, სადაც მას შესაბამისი დახმარება გაუწიეს.
"პაციენტის ჯანმრთელობის მდგომარეობა დამაკმაყოფილებელია, სხვა ვერაფერს გეტყვით," - ამბობს ქედის კლინიკის დირექტორი.
