ვლადიმერ პუტინი ჩრდილოეთ კორეაში ჩავა
ჩრდილოეთკორეული მედიის ინფორმაციით, რუსეთის პრეზიდენტი ვლადიმერ პუტინი ფხენიანში ჩასვლას გეგმავს. ამის შესახებ CNN-ი იტყობინება.
ტელეარხის ცნობით, პუტინი ჩრდილოეთ კორეის ლიდერთან, კიმ ჩენ ინთან შეხვედრას გეგმავს, რომელზეც ორ ქვეყანას შორის ურთიერთობების გაღრმავებაზე იმსჯელებს.
ფხენიანში ვიზიტის გეგმების არსებობას კრემლის პრესსპიკერი, დმიტრი პესკოვიც ადასტურებს. მისი თქმით, ამ ეტაპზე ვიზიტის თარიღის დაზუსტებაზე მიდის მუშაობა.
გასული წლის სექტემბერში რუსეთში კიმ ჩენ ინი ჩავიდა.
