წვევამდელთა ანაზღაურება 400 ლარამდე გაიზარდა
წვევამდელთა ეროვნული სამხედრო სამსახურის რიგითსა და 1-ელი კლასის რიგითს წოდებრივი სარგო მოემატათ.
შესაბამისი ცვლილებას თავდაცვის მინისტრმა, ჯუანშერ ბურჭულაძემ მოაწერა ხელი, რომლის მიხედვითაც, წვევამდელთა ეროვნული სამსახურის რიგითის ხელფასი 400, ხოლო წვევამდელთა ეროვნული სამსახურის 1-ელი კლასის რიგითის წოდებრივი სარგო 440 ლარი იქნება.
წვევამდელები გაზრდილ ხელფასს, მიმდინარე წლის იანვრიდან მიიღებენ.
