რამდენიმე რჩევა, თუ როგორ იმოგზაურო მსოფლიოს გარშემო უფასოდ, ან ბიუჯეტურ ფასად

წინასწარ განსაზღვრეთ ძილის რეჟიმი

მოგზაურობის შემდეგ, ბევრი განიცდის დისკომფორტს, განსაკუთრებით თუ დროის სხვაობა ერთ საათზე მეტი იყო. ამ სინდრომის გამო ვერ იძინებთ თქვენს ჩვეულ დროს და ძილის ნაკლებობის გამო შეიძლება იგრძნოთ დეზორიენტაცია და დეპრესია, რომ შვებულება დასრულდა. დაბრუნებამდე რამდენიმე დღით ადრე, კვლავ დაიწყეთ თქვენი დროის სარტყელთან შეგუება რამდენიმე საათით ადრე ან გვიან გაღვიძებით ან დაძინებით. შვებულებაში ყოფნისას შეეცადეთ დაიცვათ თქვენი ჩვეული ძილის გრაფიკი (თუ ეს შესაძლებელია). თუ რეჟიმს არ დაარღვევთ, ცოტათი გაგიადვილდებათ ნორმალურ ცხოვრებას დაუბრუნდეთ.მოერიდეთ ალკოჰოლს ან კოფეინს ძილის წინ, სულ მცირე 3-4 საათით ადრე.

ივარჯიშეთ

ვარჯიშის გრაფიკის დაცვა არა მხოლოდ კარგ ფორმას შეგინარჩუნებთ, არამედ შეამცირებს სტრესისა და დაღლილობის დონეს. სხეული შეინარჩუნებს ფიზიკურ გამძლეობას. გარდა ამისა, ვარჯიში ათავისუფლებს ენდორფინს, რომელიც ასევე გეეხმარებათ დეპრესიასთან ბრძოლაში. შეიძლება თქვენთვის გაუგებარია, როგორ ივარჯიშოთ მოგზაურობისას, მაგრამ ამის ორგანიზება ნიადაგის წინასწარ მომზადებით ძალიან ადვილია.

დაგეგმეთ თქვენი დაბრუნება რამდენიმე დღით ადრე აკლიმატიზაციისთვის

ყველაზე რთული დაბრუნების შემდეგ არის ჩვეულ სამუშაო/სწავლის გრაფიკზე დაბრუნება. თუმცა, თუ ამ პროცესებზე ფიქრს ადრე დაიწყებთ, ადაპტაცია გაგიადვილდებათ. მაშინაც კი, თუ არ შეგიცვლიათ დროის ზონები, გაგიჭირდებათ ყოველდღიურ რუტინაში დაბრუნება თქვენი შვებულების მხიარულებისა და სპონტანურობის შემდეგ.

ისიამოვნეთ გამოცდილებით და მოგონებებით

ხშირად, აზროვნების ცვლილება იწვევს გრძნობების ცვლილებას. აღქმის ეს ცვლილება ერთ ღამეში არ ხდება, მაგრამ რეგულარული ვარჯიშით შეგიძლიათ შეცვალოთ თქვენი აზროვნება. თქვენ ასევე შეძლებთ დააფასოთ მიღებული შთაბეჭდილებები. შეეცადეთ წარმოიდგინოთ, რომ მოგზაურობის სასიამოვნო მომენტები მხოლოდ ახალი გამოცდილებისა და სასიამოვნო მოგონებების ნაწილია. მადლობელი იყავით ამ გამოცდილების მიღების შესაძლებლობისთვის. დაიმახსოვრე, რომ ბევრ ადამიანს არ აქვს მოგზაურობის საშუალება ან შეზღუდულია სხვა ცხოვრებისეული გარემოებებით.

მოგზაურობის ელემენტების ინტეგრირება თქვენს ყოველდღიურ ცხოვრებაში

შეიძლება არ იყოთ ძვირადღირებული კურორტების ხშირი სტუმარი და არ დაფრინავთ მსოფლიოს გარშემო ყოველ კვირას, მაგრამ შეგიძლიათ ისეთი რამ განახორციელოთ თქვენს ცხოვრებაში, რაც გულგრილს არ დაგტოვებთ. მაგალითად, თუ აღფრთოვანებული იყავით იმ ქვეყნის სამზარეულოთი, სადაც დაისვენეთ, ისწავლეთ ამ კულტურის კერძების მომზადება. თუ გსიამოვნებთ უცხო ენის მოსმენა და საუბარი, შეგიძლიათ დარეგისტრირდეთ კურსზე. შეიტანეთ მოგზაურობის ელემენტები თქვენს ყოველდღიურ ცხოვრებაში, რომლის მეშვეობითაც შეინარჩუნებთ აღელვებისა და სიახლის განცდას, სადაც არ უნდა ცხოვრობდეთ.

გადააფასეთ თქვენი ცხოვრება

 თუ სახლში დაბრუნებისას თავს ნამდვილად უბედურად და განადგურებულად გრძნობთ, ისწავლეთ ფაქტების სხვაგვარი გაანალიზება. ეს დაგეხმარებათ დაინახოთ თქვენი ცხოვრების დადებითი მხარეები და განთავისუფლდეთ ყველაფრისგან, რაც დაგამძიმებთ. ალბათ, რიტმში მოხვედრით მიხვდებით, რომ თქვენი ყოველდღიური ცხოვრება არც ისე საშინელია. თუმცა შესაძლოა მოგინდეთ გარკვეული ცვლილებების განხორციელება, რაზეც კარგად უნდა დაფიქრდეთ. მაგალითად, გაფასებენ თუ არა სამსახურში, რამდენად კომფორტულად გრძნობთ თავს თქვენს ბინაში. სერიოზული გადაწყვეტილების მიღებამდე ესაუბრეთ ახლო მეგობრებს ან ოჯახის წევრებს.

წყარო : Rogor.ge