უკრაინა ჭურვებისა და რაკეტების დეფიციტს განიცდის - Bloomberg-ი
ამერიკის შეერთებული შტატებიდან და ევროკავშირიდან სამხედრო დახმარების შეფერხების გამო, უკრაინა საარტილერიო ჭურვებისა და საჰაერო თავდაცვის სისტემების რაკეტების დეფიციტს განიცდის - ამის შესახებ სააგენტო Bloomberg-ი იტყობინება დასავლელ მოხელეებზე დაყრდნობით.
Bloomberg-ი წერს, რომ მიმდინარე კვირაში ევროკავშირის წევრი ქვეყნების თავდაცვის მინისტრები ბრიუსელში ითათბირებენ, შესაძლებელია თუ არა ჭურვების წარმოების გაზრდა უკრაინაში გასაგზავნად. თუმცა დასახული მიზნის, 1 მილიონი ჭურვის მიწოდება მაინც არ მოხერხდება.
