ევროკავშირი უკრაინას ფინანსური დახმარების სახით 50 მილიარდ ევროს გამოუყოფს
ევროკავშირმა უკრაინისთვის ფინანსური დახმარების სახით 50 მილიარდი ევროს გამოყოფის საკითხი დაამტკიცა – აღნიშნულის შესახებ ევროკავშირის საბჭოს პრეზიდენტმა განაცხადა.
შარლ მიშელის თქმით, კიევისთვის დამატებითი დაფინანსების გამოყოფას მხარი ევროკავშირის 27-მა წევრმა სახელმწიფომ დაუჭირა.
„ეს იძლევა გარანტიას უკრაინის დაფინანსება იყოს მუდმივი, გრძელვადიანი და პროგნოზირებადი. ევროკავშირმა გამოიჩინა ლიდერობა და პასუხისმგებლობა უკრაინის მხარდაჭერის საკითხზე. ჩვენ ვიცით, რა დევს ფსონზე“, – განაცხადა შარლ მიშელმა.
შეგახსენებთ, რომ უკრაინისთვის 50 მილიარდი ევროს გამოყოფას უნგრეთის პრემიერ-მინისტრი ვიქტორ ორბანი ეწინააღმდეგებოდა.
