დიდი ბრიტანეთის მეფეს სიმსივნის დიაგნოზი დაუსვეს
გაერთიანებული სამეფოს მონარქს, ჩარლზ მესამეს, სიმსივნის დიაგნოზი დაუსვეს, - ინფორმაციას, ბაკინგემის სასახლეზე დაყრდნობით, BBC ავრცელებს.
"მეფე დადებითადაა განწყობილი მკურნალობასთან დაკავშირებით და მოუთმენლად ელის, რომ რაც შეიძლება მალე დაუბრუნდება საჯარო მოვალეობების შესრულებას", - აღნიშნულია სასახლის განცხადებაში, რომელშიც კიბოს ტიპი დასახელებული არ არის.
მეფე ჩარლზი 75 წლისაა. მისი კორონაცია გასული წლის 6 მაისს შედგა.
