ჯოზეფ ბორელი უკრაინაში ჩავიდა
ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი, კიევში ჩავიდა. ინფორმაციას უკრაინის რადას დეპუტატი, ოლექსი გონჩარენკო ავრცელებს.
"მქონდა შესაძლებლობა მასთან მატარებელში მესაუბრა. ის უკრაინის ნამდვილი მეგობარია," - წერს გონჩარენკო Telegram-ზე.
როგორც უკრაინული მედია წერდა, კიევში ვიზიტის შესახებ ბორელმა პოლონეთის საგარეო საქმეთა მინისტრთან, რადოსლავ სიკორსკისთან, ერთობლივ პრესკონფერენციაზე განაცხადა. მან ჟურნალისტებს უთხრა, რომ "კიევისკენ მიემართებოდა", თუმცა დეტალებზე არ უსაუბრია.
