ჩვენთვის, ეს ადამიანი ფაქტობრივად არ არის პრეზიდენტი, გვაქვს მოლოდინი, არჩევნებამდე გადადგება - გივი მიქანაძე
„გვაქვს მოლოდინი, რომ ზურაბიშვილი არჩევნებამდე გადადგება“, - ამის შესახებ მმართველი გუნდის წევრმა გივი მიქანაძემ განაცხადა.
მიქანაძის თქმით, გადადგომის შემდეგ ზურაბიშვილი ერთ-ერთ ოპოზიციურ გაერთიანებას მიეკედლება.
„ჩვენთვის, ეს ადამიანი ფაქტობრივად არ არის პრეზიდენტი, გამომდინარე იქიდან, რომ საკონსტიტუციო სასამართლომ ის ცნო კონსტიტუციის უხეშ დამრღვევად.
სალომე ზურაბიშვილი არანაირი ნეიტრალიტეტის კონტექსტში არ ჯდება. ის ბოლო 6 თვე, ერთი წელიწადია თითქმის არის მთლიანად ოპოზიციურ ნარატივზე გადასული.
ჩვენ ამასაც ვამბობთ, რომ ეს ადამიანი არჩევნებამდე მცირე ხნით ადრე, სავარაუდოდ, გადადგება თავისი პოზიციიდან და ერთ-ერთ ოპოზიციურ გაერთიანებას მიეკედლება“, - აცხადებს მიხეილ სარჯველაძე.
ცნობისთვის, საკანონმდებლო ორგანო საქართველოს პრეზიდენტის სალომე ზურაბიშვილის ყოველწლიურ მოხსენებას მოისმენს. აღსანიშნავია, რომ პრეზიდენტის რანგში სალომე ზურაბიშვილი პარლამენტის წინაშე ბოლო წლიური ანგარიშით წარდგება.
