ზემო თხილვანაში ზვავმა სახლი წაიღო – გავრცელებული ინფორმაციით, დაიღუპა ერთი ადამიანი
"ბათუმელების" ინფორმაციით, ხულოს მუნიციპალიტეტის ზემო თხილვანაში ზვავი და მეწყერული პროცესები განვითარდა და ერთ-ერთი სახლი წაიღო. სოფელი გარე სამყაროსაა მოწყვეტილი.
როგორც გამოცემასთან სოფლის მცხოვრებლები ამბობენ, ისინი 60 წლამდე ქალს საკუთარი ძალებით ეძებდნენ, თუმცა მისი გადარჩენა ვერ მოახერხეს. მათი თქმით, შემთხვევის დროს სახლში 2 ადამიანი იმყოფებოდა, მაგრამ კაცმა ზვავს გამოასწრო.
გამოცემასთან ხულოს მერია აცხადებს, რომ ამ დროისთვის სოფელთან დაკავშირებას ცდილობენ, რადგან გათიშულია ელექტროენერგია და დაზიანებულია მაგთიკომის სატელეფონო ქსელი.
