რუსული ძალების თავდასხმას კიევზე 3 ადამიანი ემსხვერპლა, ხოლო დაშავებულია 16
კიევში, რუსული ძალების თავდასხმის შედეგად დაღუპულთა რიცხვი სამამდე გაიზრდა - ინფორმაციას კიევის რეგიონული ადმინისტრაცია ავრცელებს. იქამდე არსებული ცნობებით, დაღუპული იყო ორი ადამიანი.
დაშავებულია 16 ადამიანი.
უკრაინის ხელისუფლების ინფორმაციით, კიევში, გოლოსეევსკის რაიონში, მრავალსართულიანი საცხოვრებელი კორპუსი რუსული სარაკეტო თავდასხმის დროს დაზიანდა და ხანძარი გაჩნდა.
