სვანეთსა და ხულოში ზვავი ჩამოწვა - კადრები ადგილიდან (ვიდეო)
სვანეთში, ჭაალადში ზვავი ჩამოწვა, - ამის ამსახველი ვიდეოკადრები სოციალურ ქსელში ვრცელდება.
გავრცელებული ინფორმაციით, სტიქიის შედეგად არავინ დაშავებულა.
ზვავი ჩამოწვა აჭარაშიც, ხულოს მუნიციპალიტეტის სოფელ თაგოში. როგორც სოციალურ ქსელში გავრცელებულ კადრებში ჩანს, ზვავმა მოგლიჯა ხეები. ასევე განვითარდა მეწყრული პროცესები.
თვითმხილველების თქმით, მთიდან ჩამოსულმა თოვლისა და მიწის მასა საავტომობილო გზის სხვადასხვა მონაკვეთებზე ჩამოვიდა.
მოქალაქეები მეწყრული პროცესების გააქტიურების შესახებ იტყობინებიან სოფელ დიდაჭარადანაც. არსებული ინფორმაციით, მიწის დიდი მასის ჩამოწოლის შედეგად ჩახერგილია მთავარი გზა, რომლითაც ღორჯომის ხეობის სოფლები სარგებლობენ.
