რუსთავის ბაზარში მკვლელობის ფაქტზე გამოძიება ორი მუხლით დაიწყო
რუსთავში, ე.წ. სტამბოლის ბაზარში, მომხდარ მკვლელობაზე შინაგან საქმეთა სამინისტრომ საქმე ორი მუხლით აღძრა: სისხლის სამართლის კოდექსის 109-ე მუხლით, რაც განზრახ მკვლელობას გულისხმობს დამამძიმებელ გარემოებებში და სისხლის სამართლის კოდექსის 236-ე მუხლით, რაც ცეცხლსასროლი იარაღის მართლსაწინააღმდეგო შეძენა, შენახვა, ტარებას გულისხმობს.
შსს-ს თანახმად, რუსთავის ბაზარში 4 ადამიანი მოკლეს და ერთი დაჭრეს. ბრალდებული დაკავებულია.
შემთხვევა დილის საათებში ბაზრის აგროგანყოფილებაში მოხდა. არსებული ინფორმაციით, ბრალდებული თავადაც ბაზარში მუშაობდა.
შსს-ს ცნობით, მოკლულებს შორის ერთი ბრალდებულის ბიძაა, დაჭრილი კი - ბიძაშვილი.
