„ოსკარს“ ახალი ნომინაცია შეემატა
2026 წელს მსოფლიოს ყველაზე პრესტიჟულ კინოპრემიაზე - „ოსკარზე“ ახალი ნომინაცია გაჩნდება. ამის შესახებ BBC ამერიკის კინოაკადემიაზე დაყრდნობით წერს.
გამოცემის ინფორმაციით, 2 წლის შემდეგ ცერემონიაზე მიიღებენ ჯილდოს საუკეთესო კასტინგისთვის. კინოაკადემიაში აღნიშნავენ, რომ კასტინგის სპეციალისტები გადამწყვეტ როლს ასრულებენ კინოწარმოების საწყის ეტაპზე. სწორედ ისინი არიან პასუხისმგებლები პროექტისთვის მსახიობების შერჩევაზე.
