ისანში გამთენიისას 5 მანქანა გატეხეს
ისანში, დაუდგენელმა პირმა გამთენიისას 5 მანქანა დააზიანა. როგორც ვიდეოკამერების ჩანაწერებიდან ირკვევა, სავარაუდო ეჭვმიტანილი მარტო მოქმედებდა, მან ავტომობილების შუშები ჩაამსხვრია. წაღებული ნივთების შესახებ ინფორმაცია ზუსტდება, თუმცა არსებული ინფორმაციით, წაღებული არაფერია. ადგილზე საგამოძიებო მოქმედებები მიმდინარეობს.
შსს-მ გამოძიება ქურდობის მცდელობის მუხლით დაიწყო. დაკავებული არავინაა.
