ახალციხეში სკოლასთან მოსწავლეს მანქანა დაეჯახა
ახალციხეში, N5 საჯარო სკოლასთან, 10 წლამდე მოსწავლეს „ჰონდას" მარკის ავტომანქანა დაეჯახა. ინფორმაციას sknews.ge ავრცელებს.
დაშავებული არასრულწლოვანი ახალციხის რეფერალურ ჰოსპიტალშია გადაყვანილი. მის სიცოცხლეს საფრთხე არ ემუქრება.
ჰოსპიტლის ინფორმაციით, დაშავებულს სერიოზული დაზიანებები არ აღენიშნება. მოსწავლეს სამედიცინო დაწესებულებიდან დღესვე გაწერენ.
