სპექტაკლი, რომ პრეზიდენტი ონავრობს და სადღაც გარბის, შეთანხმებული თამაშის ნაწილი მგონია - იაგო ხვიჩია
სპექტაკლი, რასაც ვხედავთ, თითქოს, გამიშვი-გამაკავე მიდის, რომ პრეზიდენტი ონავრობს და სადღაც გარბის, შეთანხმებული თამაშის ნაწილი მგონია - ზურაბიშვილი ივანიშვილთან შეთანხმების გარეშე არსად დადის, - ამის შესახებ „გირჩის“ დეპუტატმა, იაგო ხვიჩიამ მიუნხენის უსაფრთხოების კონფერენციაზე საუბრისას განაცხადა, რომელსაც საქართველოს პრეზიდენტი მთავრობისგან ნებართვის აღების გარეშე დაესწრება.
მისივე თქმით, საქართველოს პრეზიდენტი სალომე ზურაბიშვილი არ არის ის ადამიანი, რომელსაც შეიძლება მნიშვნელოვანი როლი ჰქონდეს ასეთი ტიპის კონფერენციაზე.
„ჩემი აზრით, სალომე ზურაბიშვილი არსად დადის ბატონ ბიძინა ივანიშვილთან შეთანხმების გარეშე. დანარჩენი სპექტაკლი, რასაც ვხედავთ, თითქოს, გამიშვი-გამაკავე მიდის, რომ პრეზიდენტი ონავრობს და სადღაც გარბის, მე ეს ყველაფერი შეთანხმებული თამაშის ნაწილი მგონია. მგონი, სალომე ზურაბიშვილს დასვენება უნდა საპრეზიდენტო ვადის ამოწურვის შემდეგ“, - აღნიშნა ხვიჩიამ.
რაც შეეხება ოპოზიციურ პარტიებს - ხვიჩიას თქმით, პარტია „საქართველოსთვის“ ბიძინა ივანიშვილის გულის მოგებას ცდილობს, „ლელო“ კი საბოლოოდ ‘ნაციონალურ მოძრაობაში“ შესასვლელად ფულს გადაიხდის.
