რა ღირს ბინები ბაკურიანში ?

„ბაკურიანში ამჟამად 14 საცხოვრებელი პროექტის გაყიდვები მიმდინარეობს და მათი უმეტესობა კოხტას მთასთან მდებარეობს.

2023 წელს, ბაკურიანისთვის დამახასიათებელი ტენდენციის შესაბამისად, მცირე ზომის ბინებმა (26-50 მ2 ) მთლიანი გაყიდვების 77.7% შეადგინა.

ამასთან, გაყიდული ბინების ნახევარი საშუალო ფასის სეგმენტიდან იყო (801-1,200 აშშ დოლარი/კვ.მ.).

2023 წლის ბოლოს ბაკურიანში ბინების საშუალო შეწონილი ფასი წლიურად მცირედით, 2.7%-ით გაიზარდა. ბაკურიანში გაყიდული ბინების ჯამურმა ღირებულებამ 42 მლნ აშშ დოლარი შეადგინა, რაც წლიურად 20.6%-იანი კლებაა და პირველად ბაზარზე შემცირებულ ტრანზაქციებით აიხსნება,“- ნათქვამია კვლევაში.

ამასთან, როგორც დოკუმენტში ვკითხულობთ, 2023 წლის მონაცემებით, ბაკურიანში კვადრატული მეტრის ღირებულება 1 036 აშშ დოლარს, ხოლო ბინის საშუალო ფასი 45 826 აშშ დოლარს შეადგენდა.