ალექსეი ნავალნის დედამ შვილის ცხედრის დაბრუნების მოთხოვნით სასამართლოში სარჩელი შეიტანა
ალექსეი ნავალნის დედამ შვილის ცხედრის დაბრუნების მოთხოვნით სასამართლოში სარჩელი შეიტანა.
ამის შესახებ ინფორმაციას რუსეთის სახელმწიფო საინფორმაციო სააგენტო TASS-ი ავრცელებს.
რუსეთის ქალაქ სალეხარდის სასამართლოში, რუსი ოპოზიციონერის, ალექსეი ნავალნის დედის, ლუდმილა ნავალნაიას სარჩელის განხილვა 4 მარტს დახურულ სხდომაზე მოხდება.
გუშინ, ლუდმილა ნავალნაიამ რუსეთის პრეზიდენტს, ვლადიმერ პუტინს მიმართა, რომ ალექსეი ნავალნის ცხედარი დაებრუნებინა, რათა შვილი ღირსეულად დაეკრძალა.
შეგახსენებთ, რუსეთის იამალო-ნენეცის ავტონომიური ოლქის საპატიმროში გარდაცვლილი რუსი ოპოზიციონერის, ალექსეი ნავალნის პრესმდივანმა, კირა იარმიშმა განაცხადა, რომ რუსი გამომძიებლები ალექსეი ნავალნის ცხედარს მის ოჯახს კიდევ ორი კვირის განმავლობაში არ გადასცემენ.
