დანი ალვეში კატალონიურმა სასამართლომ გაუპატიურებაში დამნაშავედ ცნო
ესპანური ბარსელონასა და ბრაზილიის ნაკრების ყოფილი ფეხბურთელი სექსუალურ ძალადობაში დამნაშავედ ცნეს და 4.5 წლით თავისუფლების აღკვეთა მიუსაჯეს.
კატალონიურმა სასამართლომ დანი ალვეში დამნაშავედ ცნო 2022 წლის 30 დეკემბერს ბარსელონაში მდებარე ერთ-ერთ ღამის კლუბში მომხდარი სექსუალური ძალადობის ფაქტზე.
ორი დღის შემდეგ ქალმა დანი ალვეშის წინააღმდეგ საჩივარი შეიტანა. მისი თქმით, ყოფილმა ფეხბურთელმა ის კლუბის ტუალეტში გააუპატიურა.
სასამართლომ ალვეშს დაზარალებულისთვის 150 000 ევროს გადახდაც დააკისრა.
