"ლიბერთიმ" მაღალი სოციალური პასუხისმგებლობა გამოიჩინა და ამის ხარჯზე მოვახერხეთ შეთანხმების მიღწევა - ირაკლი კობახიძე

ლიბერთი ბანკმა მაღალი სოციალური პასუხისმგებლობა გამოიჩინა და ამის ხარჯზე მოვახერხეთ შეთანხმების მიღწევა, - ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.

საქმე ის არის, რომ 150 000-ზე მეტი პენსიონერს სესხზე პროცენტი შემცირდება. სწორედ ეს გადაწყვეტილება მიიღეს გუშინ მთავრობის ადმინისტრაციაში გამართულ შეხვედრაზე მიიღეს, სადაც საქართველოს პრემიერ-მინისტრმა ირაკლი კობახიძემ, ეროვნული ბანკის პრეზიდენტის მოვალეობის შემსრულებელმა ნათია თურნავამ და „ლიბერთი ბანკის“ გენერალურმა დირექტორმა ბექა გოგიჩაიშვილმა.

“რაც შეეხება პენსიებს. მინდა მადლობა გადავუხადო ეროვნული ბანკის პრეზიდენტის მოვალეობის შემსრულებელს და ლიბერთი ბანკის ხელმძღვანელობას. ძალიან კონსტრუქციული იყო მათი დამოკიდებულება. მიუხედავად იმისა, რომ ეს არის არსებითად კომერციული პროდუქტი, თავად ბანკმა გამოავლინა მაღალი სოციალური პასუხისმგებლობა და სწორედ ამის ხარჯზე ჩვენ მოვახერხეთ შეთანხმების მიღწევა იმასთან დაკავშირებით, რომ მნიშვნელოვნად დაიწევს ის პროცენტული განაკვეთი, რომელიც საპენსიო სესხებს უკავშირდება. დანარჩენ დეტალებს რაც შეეხება, დეტალები დამატებით ზუსტდება და ბანკი წარმოადგენს შესაბამის ინფორმაციას. მთლიანობაში ჩვენი სურვილი იყო, რომ შეგვემსუბუქებინა ტვირთი პენსიონერებისთვის. ეს მიდგომა გაიზიარა ლიბერთი ბანკმა და მადლობა მათ", - განაცხადა ირაკლი კობახიძემ.