მამის მკვლელობაში ბრალდებულს პატიმრობა შეეფარდა
თბილისის საქალაქო სასამართლომ გლდანში, მამის მკვლელობისთვის დაკავებულ შვილს აღკვეთის ღონისძიების სახით პატიმრობა შეუფარდა.
როგორც ინტერესების დამცველმა სასამართლო პროცესზე აღნიშნა, მისი დაცვის ქვეშ მყოფს მიმალვა არ უცდია, მათ შორის, არ განუხორციელებია მოწმეებზე ზემოქმედება.
„ამ ეტაპზე დუმილის უფლებას გამოვიყენებ. მე ახლა არ მაქვს ეგ თანხა. თუ შემიფარდებთ, რაიმეს ვიზამ, მადლობელი ვიქნები. კარგი იქნება, თუ გირაო შემეფარდება“,- აღნიშნა ბრალდებულმა.
ცნობისთვის, მკვლელობა გლდანში 23 თებერვალს მოხდა. გამოძიების ინფორმაციით, 50 წლის გელა გამხიტაშვილი შვილმა, 26 წლის რეზი გამხიტაშვილმა ცივი იარაღით, დანით მოკლა. ის სამართალდამცავებმა ცხელ კვალზე დააკავეს.
