"მამამ ორმოში ნახა თავისი შვილი...“ - ვინ არის თბილისში მოკლული 22 წლის გოგო?
თბილისში, ლილოს დასახლებაში მოკლული 22 წლის გოგო ქეთი ჯავახიშვილია. გავრცელებული ინფორმაციით, მკვლელობის სავარაუდო მოტივი მეგობართან არსებული კონფლიქტია.
"დილით 9, 10 საათზე ნახეს ხელოსნებმა. ჩვენ სამსახურში გვეგონა, ძმაც იქ მუშაობს და არ მოსულაო. მამა დაეჭვდა, მივიდა, გადააბრუნა და თავისი შვილი ნახა. არ ვიცი, ჰქონდა თუ არა პრობლემები. არ ვიცით, ვისთან დარეკა, ვისთან მესიჯობდა... ფაქტია, 2-ის ნახევარზე ეღვიძა,“ - ამბობს ერთ-ერთი ადგილობრივი.
ადგილზე, ამ წუთებში, პოლიციაა მობილიზებული. გამოძიება 108-ე, განზრახ მკვლელობის მუხლით დაიწყო.
