"გაირიცხოს რუსეთი გაერთიანებული ერების ორგანიზაციიდან" - უკრაინელი აქტივისტების აქცია მშვიდობის ხიდზე
"გაირიცხოს რუსეთი გაერთიანებული ერების ორგანიზაციიდან" - ამ მოთხოვნით დღეს მშვიდობის ხიდზე აქცია გაიმართა. უკრაინელმა აქტივისტებმა ხიდიდან ბანერი გადმოფინეს. აქციის მონაწილეები ხალხს მოუწოდებენ ბანერზე არსებული QR-კოდის დახმარებით გადავიდნენ საიტზე და ხელი მოაწერონ რუსეთის გაეროდან გარიცხვის პეტიციას.
"ჩვენი მოთხოვნაა, რუსეთის გარიცხვა გაერთიანებული ერების ორგანიზაციიდან. ეს აქცია იმართება მშვიდობის ხიდზე და ეს შემთხვევით არ ხდება. იმიტომ რომ ერთადერთი, რაც ჩვენ გვსურს, მშვიდობაა", - ამბობს აქციის ერთ-ერთი მონაწილე.
