სკოლის მოსწავლემ პარკში ორი ადამიანის ხელი და ფეხი იპოვა - სად მოხდა შემთხვევა?
სკოლის მოსწავლემ ნიუ-იორკის პარკში ორი ადამიანის ხელი და ფეხი იპოვა. ამის შესახებ უცხოური მედია წერს.
გამოცემის ცნობით, სკოლაში მიმავალმა გოგონამ ხუთშაბათს დილით აღმოაჩინა „მოწყვეტილი მარცხენა ხელი“. ამის შემდეგ მამამისი პოლიციას დაუკავშირდა, რომელმაც ტერიტორიის ჩხრეკის შემდეგ დანაწევრებული ფეხიც იპოვა.
პოლიციის მოსვლის შემდეგ, სხეულის სხვა ნაწილებს ძაღლმა პარკის მიმდებარე ტერიტორიაზე მიაგნო.
როგორც გამოცემა წერს, მოჭრილი კიდურები ცოტა ხნის წინ გადააგდეს და პოლიცია იმედოვნებს, რომ მათ იდენტიფიცირებას დნმ-ის გამოყენებით და ტატუების გამოკვლევით შეძლებენ.
პოლიციამ არ გამორიცხა, რომ საქმე ჯგუფურ დანაშაულშიც იყოს. დამატებითი დეტალები ჯერჯერობით უცნობია.
