„გორგილაძის აუტანელი სიმსუბუქე“ YouTube პლატფორმაზე გრძელდება

„გორგილაძის აუტანელი სიმსუბუქე“ YouTube პლატფორმაზე გრძელდება. პროექტის წარმდგენი „საქართველოს ბანკია“.

გადაცემა, რომელიც მაყურებლის დიდი სიყვარულით სარგებლობს საინტერესო რესპონდენტების, აქტუალური პერსონების გაცნობას, უკვე YouTube პლატფორმის საშუალებით გააგრძელებს. გადაცემის ფორმატი გულისხმობს მაყურებლისთვის იმ კითხვებზე პასუხის მიღებას, რომლებიც ჯერ არ დასმულა ან ისმის, მაგრამ პასუხები არ გაცემულა. გადაცემის სტუმრები იქნებიან ადამიანები, რომლებიც განსაზღვრავენ ქვეყნის საზოგადოებრივ თუ კულტურულ ცხოვრებას. შესაბამისად, მათი პროფესიული, საზოგადოებრივი და, ზოგიერთ შემთხვევაში, პირადი ცხოვრების საინტერესო დეტალები, ასევე მათი აზრი მნიშვნელოვან მოვლენებზე, მაყურებელს საშუალებას აძლევს უფრო მკვეთრი შთაბეჭდილება შეიქმნას აღნიშნულ პერსონაზე და გადაიაზროს ესა თუ ის მოვლენა. სიახლეა ის, რომ გადაცემაში იქნება ახალი რუბრიკა - „არ გაჩერდე“, რომელიც იმ ადამიანების ისტორიებს წარმოაჩენს, რომლებიც არასდროს ჩერდებიან.

გადაცემის მიზანი ცნობილ ადამიანებთან ერთად ნაკლებად ცნობილი, საინტერესო პერსონების აღმოჩენა და საზოგადოებისთვის გაცნობაა.

„ჩვენ წამითაც არ დაგვიშვია, რომ "სიმსუბუქე" გაჩერდებოდა. უბრალოდ იმაზე ვფიქრობდით, რა იქნებოდა ოპტიმალური პლატფორმა პროექტისთვის და, საბოლოოდ, Youtube-ი შევარჩიეთ. აღმოვაჩინეთ, რომ ეს პროექტი ძალიან ბევრი ადამიანისთვის ყოფილა საინტერესო და საყვარელი. ის მხარდაჭერა, რომელსაც ვგრძნობთ ერთ-ერთი მთავარი მიზეზია, რის გამოც თავს დანებების საშუალებას ვერ მივცემდით. ასე რომ, წინ "სიმსუბუქის" ბევრი საინტერესო ეპიზოდია", - ამბობს დათო გორგილაძე, პროექტის ავტორი.