საფრანგეთში აბორტი ქალის კონსტიტუციურ უფლებად სცნეს
გუშინ საფრანგეთი მსოფლიოში პირველი ქვეყანა გახდა, რომელმაც ქალის აბორტის უფლება კონსტიტუციით გაამყარა. კრიტიკისა და წინააღმდეგობის მიუხედავად საფრანგეთის პარლამენტმა 780 ხმით 22-ს წინააღმდეგ ცვლილებები მიიღო. BBC-ს ცნობით, პრეზიდენტმა ემანუელ მაკრონმა გადაწყვეტილებას “საფრანგეთის სიამაყე” უწოდა.
ცნობისთვის აბორტი საფრანგეთში 1975 წლიდან ლეგალურია. ბოლო წლებია აღნიშნულ საკითხზე დისკუსია კვლავ აქტუალური გახდა დასავლურ სამყაროში. 2022 წელს აშშ-ის უზენაესმა სასამართლომ აბორტის კონსტიტუციური გარანტია გააუქმა.
