დეპრესიის 7 ფიზიკური სიმპტომი

დაღლილობა ან ენერგიის მუდმივი დაბალი დონე

დაღლილობა დეპრესიის საერთო სიმპტომია. ხანდახან ყველანი გგანვიცდით ენერგიის დაბალ დონეს და შეგვიძლია თავი მოდუნებულად ვიგრძნოთ დილით, დეპრესიული დაღლილობა უფრო თანმიმდევრული და მძიმეა, ვიდრე ენერგიის ეს შემთხვევითი ვარდნა.

დეპრესიასთან დაკავშირებულმა დაღლილობამ შეიძლება გამოიწვიოს კონცენტრაციის პრობლემები, გაღიზიანების გრძნობა და აპათია.

დეპრესიაში მყოფი ადამიანები ხშირად განიცდიან არააღდგენით ძილს, რაც იმას ნიშნავს, რომ ისინი თავს დუნედ გრძნობენ ღამით კარგი დასვენების შემდეგაც კი.

თუმცა, რადგან ბევრმა ფიზიკურმა დაავადებამ, როგორიცაა ინფექციები და ვირუსები, ასევე შეიძლება გამოიწვიოს დაღლილობა და შეიძლება რთული იყოს იმის დადგენა, არის თუ არა დაღლილობა დაკავშირებული დეპრესიასთან.

მიუხედავად იმისა, რომ ყოველდღიური დაღლილობა ამ ფსიქიკური დაავადების ნიშანია, სხვა სიმპტომები, როგორიცაა სევდა, უიმედობის შეგრძნება და ანჰედონია ანუ ყოველდღიური საქმიანობით სიამოვნების განცდის ნაკლებობა, შეიძლება ასევე იყოს დეპრესიის დროს.

ტკივილის მიმართ ტოლერანტობის დაქვეითება

დეპრესია და ტკივილი ხშირად თანაარსებობენ. ამ ორ სიმპტომს არ აქვს მკაფიო მიზეზ-შედეგობრივი კავშირი, მაგრამ მნიშვნელოვანია მათი ერთობლივი შეფასება.

ზურგის ტკივილი ან კუნთების ტკივილი

შეიძლება დილით თავი კარგად იგრძნოთ, მაგრამ მოგვიანებით იგრძნოთ ზურგის ტკივილი. მიუხედავად იმისა, რომ ზურგის ტკივილი ხშირად ასოცირდება ცუდ პოზასთან ან დაზიანებებთან, ეს ასევე შეიძლება იყოს ფსიქოლოგიური დისტრესის სიმპტომი.

უახლესი კვლევები ვარაუდობენ, რომ სხეულში ანთება შეიძლება დაკავშირებული იყოს ჩვენს ტვინში არსებულ ნეიროცირკულაციებთან. ითვლება, რომ ანთებამ შეიძლება შეაფერხოს ტვინის სიგნალები და, შესაბამისად, შეიძლება ჰქონდეს როლი დეპრესიის განვითარებაში.

თავის ტკივილი

თითქმის ყველას აქვს დროდადრო თავის ტკივილი. სტრესულმა სამუშაო სიტუაციებმა შეიძლება ასევე გამოიწვიოს თავის ტკივილი.

თუ შეამჩნევთ, რომ თვის ტკივილს ყოველდღიური ხასიათი აქვს ეს შეიძლება იყოს დეპრესიის ნიშანი.

თუმცა, მხოლოდ თავის ტკივილი არ არის იმის მანიშნებელი, რომ ტკივილი დეპრესიისგან არის გამოწვეული. დეპრესიის მქონე ადამიანები ხშირად განიცდიან დამატებით სიმპტომებს, როგორიცაა სევდა, გაღიზიანების გრძნობა და ენერგიის დაქვეითება.

მხედველობის ცვლილებები

კვლევა ვარაუდობს, რომ დეპრესიამ შეიძლება რეალურად იმოქმედოს იმაზე, თუ როგორ ხედავთ სამყაროს.

კვლევამ, რომელშიც მონაწილეობა მიიღო 140 ადამიანმა, დაადგინა, რომ დეპრესიულ პირებს ჰქონდათ კონტრასტის აღქმის დარღვევა.

მკვლევარებმა აღნიშნეს, რომ ეს სავარაუდოდ არ არის მხედველობის ცვლილების გამო, არამედ დაკავშირებულია იმასთან, თუ როგორ ამუშავებს ტვინი თვალებიდან მოსულ ინფორმაციას. ამან შეიძლება ახსნას, თუ რატომ შეიძლება დეპრესიის დროს სამყარო ბუნდოვნად გამოიყურებოდეს.

კუჭის ტკივილი ან უხერხულობა მუცლის არეში

ტკივილი, რომელიც ძლიერდება, განსაკუთრებით მაშინ, როდესაც სტრესი ჩნდება, შესაძლოა დეპრესიის ნიშანი იყოს. ჰარვარდის სამედიცინო სკოლის მიერ გამოქვეყნებული სტატია ვარაუდობს, რომ კუჭის დისკომფორტი, როგორიცაა კრუნჩხვები, შებერილობა და გულისრევა, შეიძლება იყოს ცუდი ფსიქიკური ჯანმრთელობის ნიშანი.

დეპრესიამ შეიძლება გამოიწვიოს საჭმლის მომნელებელი სისტემის ანთება ტკივილით, რომელიც ადვილად შეიძლება იყოს ისეთი დაავადებებისთვის დამახასიათებელი, როგორიცაა ნაწლავის ანთებითი დაავადება ან გაღიზიანებული ნაწლავის სინდრომი.

ექიმები და მეცნიერები ზოგჯერ ნაწლავებს „მეორე ტვინს“ უწოდებენ, რადგან მათ აღმოაჩინეს კავშირი ნაწლავის ჯანმრთელობასა და ფსიქიკურ კეთილდღეობას შორის. საჭმლის მომნელებელი სისტემა სავსეა კარგი ბაქტერიებით და თუ არსებობს კარგი ბაქტერიების დისბალანსი, შეიძლება გაჩნდეს შფოთვისა და დეპრესიის სიმპტომები.

დაბალანსებული დიეტის მიღებამ და პრობიოტიკებმა შეიძლება გააუმჯობესოს ნაწლავის ჯანმრთელობა და განწყობა, მაგრამ საჭიროა შემდგომი გამოკვლევა.

საჭმლის მომნელებელი სისტემის პრობლემები

საჭმლის მომნელებელი პრობლემები, როგორიცაა ყაბზობა და დიარეა, შეიძლება იყოს უხერხული და არასასიამოვნო. ხშირად გამოწვეულია კვებითი ინტოქსიკაციით ან ვირუსებით, ადვილია ვივარაუდოთ, რომ ნაწლავის დისკომფორტი გამოწვეულია ფიზიკური დაავადებით.

მაგრამ ემოციებმა, როგორიცაა სევდა, შფოთვა ასევე შეიძლება დაარღვიოს საჭმლის მომნელებელი ტრაქტი.

ტკივილი ტვინის კომუნიკაციის ერთ-ერთი გზაა. თუ გრძნობთ დისკომფორტს უსიამოვნო ემოციების იდენტიფიცირებისა და საუბრისას, როგორიცაა სევდა, ბრაზი, ამან შეიძლება გამოიწვიოს განსხვავებულად გამოვლინება სხეულში.