რუსეთი 3-ჯერ მეტ ჭურვებს აწარმოებს, ვიდრე დასავლეთი უკრანისთვის - CNN
რუსეთი 3-ჯერ მეტ საარტილერიო ჭურვებს ამზადებს, ვიდრე ევროპა და აშშ უკრაინისთვის. ამის შესახებ CNN-ი იუწყება.
ტელეკომპანიის ინფორმაციით, ნატოს ქვეყნების დაზვერვის მონაცემებით, რუსეთში ყოველთვიურად 250 000 ჭურვი იწარმოება, რაც წელიწადში დაახლოებით 3 მილიონია. CNN-ის წყაროს განცხადებით კი, თავის მხრივ დასავლეთი უკრაინისთვის წელიწადში მხოლოდ 1,2 მილიონ ჭურვს აწარმოებს.
ამასთან, ნატოს მონაცემებით, რუსეთი ბრძოლის ველზე 5-ჯერ მეტ ჭურვებს ხარჯავს, ვიდრე უკრაინა - დღეში ათი ათასი ორი ათასის წინააღმდეგ.
დაზვერვაში CNN-ის წყარო ასევე აღნიშნავს, რომ ახლა რუსული სამხედრო ინდუსტრია მთელი დატვირთვით მუშაობს, თუმცა წარმოების ტემპი სამხედროების მოთხოვნის დასაკმაყოფილებლად საკმარისი მაინც არ არის.
