„თავს გიხრით, მიყვარხართ ყველანი“ - რას წერდა ენდი ნემსიწვერიძე გარდაცვალებამდე რამდენიმე საათით ადრე?
ქუთაისის მე-7 საჯარო სკოლის დირექტორი, მწერალი, საპატიო ქუთაისელი ენდი ნემსიწვერიძე დღეს, საკუთარ დაბადების დღეს გარდაიცვალა. ეს გარდაცვალებამდე რამდენიმე საათით ადრე, სოციალურ ქსელში დაწერილი უკანასკნელი სტატუსია:
„დღეს, საჩუქრად ჩემივე ლექსების ახალი კრებული, “სიცოცხლის ალავერდი” მივიღე, ჩემი საუკეთესო მეგობრებისგან. ახლა უკვე ორი წიგნით, ორი ბიჭით, ერთი ცოლით, ასობით მოსწავლით, უამრავი კოლეგით, კეთილი და უერთგულესი მეგობრებით გარშემორტყმული ვხვდები, საკუთარ დაბადების დღეს. თავს გიხრით, მიყვარხართ ყველანი…მიიღეთ ჩემგან სიყვარულის და სიცოცხლის ალავერდი!“ – წერდა ენდი ნემსიწვერიძე.
