"ეჭვი არ მეპარება გამარჯვებას ვიზეიმებთ... ვერ ვითმენ გავიდე ხალხთან და ემოციები გავიზიარო...“ - რას ამბობს ილია თოფურია? (ვიდეო)
UFC-ის ქართველი ჩემპიონი, ილია თოფურია სამშობლოზე ქართველების დახვედრასა და დღევანდელ მატჩზე, გადაცემა იმედის დღის ეთერში საუბრობს.
ილია თოფურია დარწმუნებულია საქართველოს ნაკრების გამარჯვებაში და ამბობს რომ ჩვენი ბიჭები გოლსაც არ გაატანინებენ მოწინააღმდეგეს. ჩემპიონი წინასწარ პროგნოზს აკეთებს და ამბობს, რომ 2-0 მოვიგებთ.
„სამშობლოში დაბრუნება ყოველთვის დიდ ემოციებთანაა დაკავშირებული. დღეს, მით უმეტეს ქართული ფეხბურთის ისტორიისთვის დიდებული დღეა და ეჭვი არ მეპარება გამარჯვებას ვიზეიმებთ. თან კიდევ, ვერ ვითმენ გავიდე ხალხთან და ემოციები გავიზიარო“, - ჰყვება ილია თოფურია.
