ქუთაისში, ანჯაფარიძის ქუჩაზე ხანძარი იყო - მსუბუქად დაშავდა ერთი ადამიანი
ქუთაისში, ანჯაფარიძის ქუჩაზე, მდინარე რიონის სანაპიროზე, ბოშათა დასახლებაში ცეცხლი გაჩნდა.
არსებული ინფორმაციით, დამწვარია ორი ბარაკული ტიპის ხის ნაგებობა. ერთ-ერთმა პირმა კი მსუბუქი დაზიანებები მიიღო.
ხანძარი ამ დროისთვის ლიკვიდირებულია. ადგილზე სამაშველო, საპატრულო და სასწრაფო სამედიცინო დახმარება იყო მობილიზებული.
